Гісторыя сучаснай філалагічнай адукацыі ў Рэспубліцы Беларусь бярэ свой пачатак практычна з дня заснавання ўніверсітэта, калі на літаратурна-мастацкім факультэце вялася падрыхтоўка па рускай і царкоўнаславянскай мове, рускай літаратуры. На працягу многіх гадоў яго выпускнікамі былі вядомыя грамадскія і культурныя дзеячы.

Па падручніках і вучэбных дапаможніках выкладчыкаў факультэта вучылася і вучыцца не адно пакаленне школьнікаў і студэнтаў.

Навучальны працэс забяспечваюць 5 кафедраў:

Кафедра «Беларускага мовазнаўства»,

Кафедра «Агульнага і рускага мовазнаўства»,

Кафедра «Культуры мовы і міжкультурных камунікацый»,

Кафедра «Беларускай літаратуры і культуры»,

Кафедра «Рускай і замежнай літаратуры».

 Навучанне ажыццяўляюць 54 выкладчыка, у тым ліку 6 дактароў філалагічных навук, 39 кандыдатаў навук. Над кандыдацкімі і доктарскімі дысертацыямі працуюць 16 аспірантаў, суіскальнікаў і дактарантаў. Факультэт з'яўляецца вядучым цэнтрам па падрыхтоўцы высокакваліфікаваных спецыялістаў-філолагаў. У цяперашні час на дзённай і завочнай формах атрымання адукацыі навучаюцца студэнты па наступных спецыяльнасцях:

1-02 03 01  - беларуская мова і літаратура,

1- 02 03 02 - руская мова і літаратура,

1- 02 03 03 - беларуская мова і літаратура і замежная мова (англійская, нямецкая),

1- 02 03 04 - руская мова і літаратура і замежная мова (англійская, кітайская, літоўская).

 Студэнты, якія вывучаюць кітайскую мову, на працягу двух семестраў вучацца па праграме «Уключанае навучанне» ў Ланьчжоўскім дзяржаўным універсітэце (Кітайская Народная Рэспубліка). Літуаністы праходзяць стажыроўку ў ВНУ Літоўскай Рэспублікі. На факультэце функцыянуюць Цэнтр літуаністыкі, Цэнтр азербайджанскай мовы і культуры, Цэнтр ізраільскай культуры і вывучэння мовы іўрыт, Цэнтр беларускай літаратуры імя Максіма Танка, кабінет паланістыкі. Штогод праводзяцца стаўшыя традыцыйнымі міжнародныя навуковыя канферэнцыі «Мова і міжкультурныя камунікацыі» (сумесна з філалагічным факультэтам Літоўскага эдукалагічнага ўніверсітэта), «Танкаўскія чытанні», «Нацыянальная мова і нацыянальная культура: аспекты ўзаемадзеяння», «Пушкін і сусветная культура».

адрес: г. Минск, ул. Советская 18

телефон: 327-80-44